24 abr 2014

17 de abril: Día mundial da loita labrega

O pasado 1 de abril, empezamos na sede de Lugo coa compaña do Día mundial da loita labrega. A través de relatorios e difundindo a importancia das reivindicacións desta data, quérese achegar ó alumnado e a sociedade en xeral esta realidade e problemática que nos involucra a todos e todas.

Desde 1996 en memoria da masacre de 19 labregos sen terra de Brasil que foron brutalmente asasinados pola policía militar e por intereses do agronegocio, a Vía Campesina declarou o 17 de abril como día mundial das loitas labregas, organizando accións que visibilizan as distintas loitas que se dan nos territorios. 


Nesta ocasión, volvimos a contar coa participación de Lidia Senra (Sindicato Labrego Galego), que a través da súa gran experiencia persoal e dos seus coñecementos, nos amosou con moita claridade e realismo a traxectoria e a importancia dos movementos agrarios e as súas reivincidacións. Tamén houbo lugar para o debate e a posta en común de alternativas para, entre todos e todas intentar cambiar a realidade e acadar unha maior xustiza social.

Desde ESF, volver a agradecerlle unha vez máis a Lidia Senra e á xente que se achegou ata a Escola Politécnica a súa participación.


"A terra non nos pertence, nós pertencemos á terra"

No hay comentarios: